(20M 育兒心情) 生活過得很充實, 內心郤很空虛

一早起身就虐待熊本熊 (誤)
由JOJO出世起, 基本上每天24小時都不是自己的, 雖然好攰, 但我好珍惜同佢一齊既每一段時光, 由佢聽明我講野, 而又可以表達到自己想法, 就是算溝通得到開始, 更加捨不得放下他出門

小朋友越大, 想法多了, 做媽媽的越要提高EQ之餘, 更要想盡辦法去教好佢, 晌心力都疲憊既狀態下, 還三不時有人干涉晌教導中間, 心情真的難以平靜

好多事, 我都盡量放開, 隻眼開隻眼閉, 但總會有底線, 得一想二, 越想越過份, 有時諗個囝係我既, 連煮個飯比JOJO食咁小既事, 都唔係由我去控制, 真係好灰

我一直既管教主要著重溝通, 打罵基本不會採用, 不是太大問題既事, 我一般會讓佢自由發展, 如果真係做錯, 會先了解原因再從而教導, 一次唔明, 再講, 再犯, 又再講, 講到佢明為止, 我覺得沒有小朋友天生係壞的, 大人以身作則同管教有著非常重大既影晌

JOJO也是小朋友, 也會有唔聽話, 做錯事既時候, 但仍在可以管教既階段, 而做錯既事都係好小, 好輕微, 基本上係一個有禮貌, 聽講既小朋友, 所以我希望可以繼續用而家既方法黎教導佢

可惜身邊既人, 一次又一次咁從中作梗, 溝通過一次兩次三次, 直到最近根本連發嬲既力氣都無, 反正點講, 佢地都唔會明, 根本都溝通唔到, 佢地覺得佢地既方法係啱, 係我太多意見, 想太多, 成日覺得JOJO重咁細, 咪由佢囉, 大大下就唔會咁架啦, 我完全不認同, 壞習慣養成了, 要改好唔係咁容易呢, 但奇怪既係, 有時明明就好小事, 就大呼小叫咁去喝止, 根本就是不必要呀

再者就係用負面既方法去教導, 呢樣野都令我好反感!  小朋友係一張白紙, 你講乜佢聽乜, 就學乜, 點解要用負面既方法呢

每次JOJO一喊, 就發神經, 用晒D錯誤既方法同埋言行, 就係想佢即刻收聲, 原因晌邊呢, 我真係唔明, 喊下會死咩, 最討厭就係都唔知咩事, 就發表意見, 其實無人需要你既意見, 安靜唔出聲已經係最大幫忙了

我真係好希望可以有一個完全我可以控制既環境下陪JOJO一齊成長

現實歸現實, 是不可能, 也不知要到幾時先可能, 唯一可以做既, 就係將JOJO同呢D人相處既時間減到最小!  可能有小小過份, 但也沒辦法呀, 要人尊重, 請先尊重別人! 

每次發生呢D事, 都好影晌心情, 即使活動安排得密密麻麻, 也不見得心情大好, 以前同其他媽媽們吐下苦水, 都會有幫助, 但發生左咁多次類似事件之後, 都唔想再打擾人家, 講得多人地都覺得煩覺得悶啦, 也許係我太執著之類吧

其實最好既傾訴對象都老公, 佢最明白我, 而我又可以毫無掩飾咁唱所欲言, 又同我同一陣線, 但最近工作忙, 壓力又大, 我應該關心同開解佢, 多於對他再增麻煩

所以................... 也要自己調節好心情, 一切都會變好!   期望我想要既生活盡快來臨!

發泄完畢, 打左出黎總比屈晌心入面既好!

---