(BB車用品) 加拿大3Sprouts BB車雜物袋
加拿大3Sprouts BB車雜物袋: 大推, 好用方便, 容量又大, 真係士的車既一大幫手呢
換左士的車之後, 無籃, 所以全部野都要放晌媽媽袋, 一來重之餘, 有時常用既野每次都要停低架車, 晌個袋度搵出黎真係好麻煩!
經朋友介紹, 買左呢個BB車雜物袋, 真係好幫手, 方便好多, 媽媽袋又可以輕便一點!
有幾個唔同公仔
我揀左鯨魚, 最match架車之餘又係波點! 大愛!
佢係用魔術貼掛起的, 貼得穩之餘, 長短可以自己控制, 基本上唔同車型都啱用
可以放到好多野
一共有四格, 左右兩格有橡筋, 所以放杯唔會跌出黎
之前我另加米奇杯架放杯的,但出街好多人唔帶眼, 成日比人撞, 試過有次成個比人撞甩出黎!! 明明就扣得好實, 咁都撞甩, 真係無帶眼 ><
而家呢個唔怕比人撞到, 另外有時我自己既野飲, 都可以放埋入去, 有時要食餅呀, 零食果時, 都可以放入去, 好方便
(2) 果格有魔術貼, 較細件既野可以放入去
我基本放以下既野 (重有位淨)
片 / 濕巾 / 紗巾 / 風扇 / 水杯 / 被仔
另一個重點係, 唔洗拎D野出黎都可以收車!! 雖然佢無拉鍊, 但收左車, 唔係太零碎既野都唔會跌出黎!
收車後雜物袋變這樣
