(育兒) Youtube上的幼兒頻道分享

有咩野可以令JOJO咁安穩咁坐晌high chair 呢?  當然就係睇電視呀!
初生既時候, 好抗拒比JOJO睇電視 /  ipad, tablet之類既野, 覺得對眼唔好之餘, 聽說會好易沉迷, 所以只會放下音樂

後黎到佢大個小小, 6個月左右, 試比佢睇下 your baby can read (反正都買左番黎), 佢其實都無乜反應同興趣, 睇左數次就放棄了.  更令我覺得呢D野根本沒教學作用, 雖然已經買左幾套教材, 但我自己睇落覺得悶之餘, JOJO又無心機睇, 所以都無拎出黎播了 (當然而家知道有D真係有用架啦, 遲下有機會再分享)

隔左一排, 有朋友分享左個youtube既幼兒頻道, Jojo睇得好開心, 好投入, 整個人入左去咁
之後我就開始有比JOJO接觸呢D電子野, 只要搵啱頻道, 其實對學習好有幫助!  可以增加音樂律動, 隱定情緒, 生活常識, 同埋言語等 
而家一般每日分幾節, 夾埋約睇1小時內既片, 暫時出街都可以控制到, 唔需要睇片黎安定!

分享一下JOJO愛看既幾個頻道吧
晌youtube就可以睇, 唔洗錢, 讚!

Mother goose club
https://www.youtube.com/channel/UCJkWoS4RsldA1coEIot5yDA



D歌好聽之餘, D公仔又可愛, 也有真人版本, 到而家(20M), 間中睇下佢都好有興趣喔!  聽左呢D歌之後, 訓覺前或者失控時, 同佢唱下歌都可以令佢冷靜 / 入睡喔

Super simple songs
https://www.youtube.com/channel/UCLsooMJoIpl_7ux2jvdPB-Q
呢個頻道係老公有日無意中搵到出黎既
有幾首都唔錯



由始至終最愛都係呢首歌, 會跟住一齊做動作同唱:  tag tag tag

One little finger
https://www.youtube.com/user/SuperSimpleSongs?v=eBVqcTEC3zQ



晌另一首：　If you're happy入面學識左：oh no 最近成日講, 一邊玩一邊不停oh no oh no XD

Muffin Songs
https://www.youtube.com/channel/SW9z_vxIjnjQU
有幾首歌唔錯, 同mother goose club 交替睇下



Tutitu TV
https://www.youtube.com/channel/UCeUYwh-WiIoG47ECQvQxKsA
係朋友介紹的, 第一次睇JOJO已經好有興趣



雖然佢唔係唱歌, 也無對話, 但初初睇JOJO已經睇到笑, 當然我唔明笑位係咩啦, 只知佢鍾意睇, 哈哈
佢會一個個零件咁跌出黎, 之後慢慢再組裝成一個物件, 幾有趣

隔左一排, 最近睇番, JOJO睇得好緊張, 由零件跌落黎果刻就不停話: 咩黎呀
之後就自己估係咩黎, 到完成品出左黎而佢又估啱既話就會好興奮



最後一個, 而又最學到野既就係:巧虎
雖然佢出左廣東話版, 但因為一訂要好多期, 同埋教學書不太會用, 而且都幾貴, 怕訂左咁多期佢無心機/興趣睇, 所以都係晌youtube睇算
之前我主要search 台灣幼幼版, 不過有D雜亂, 次次要搵, 有時出大陸版, 有時又一忽忽咁, 最近搵到呢個頻道唔錯, 台灣版, 有幼幼, 快樂同成長版可以揀, 而且夠清又夠新

巧連智專場巧虎

https://www.youtube.com/channel/UC9tpY4IxQ7f2kNGAZ7-cqAw

有好多日常知識都有教到, 而又真係令小朋友吸收的, 刷牙, 沖涼, 跌倒不哭, 去廁所等, JOJO真係晌入面學到好多野, 有時佢唔肯做某D野, 我會提番佢: 你記唔記得巧虎同哥哥姐姐訓覺前要刷牙呀?  如果無刷牙訓, 就會有細菌拮你D牙, 起身就會好似巧虎咁牙痛架啦!
之後就會乖乖刷牙了!



每集都有公仔, 卡通, 真人, 可以加深印象, 同埋無咁悶, 一般都可以定定地坐晌度睇完一集



不過我覺得家長不要太過依賴播片黎安撫小朋友, 每日睇太長時間真係會沉迷外, 對眼睛同發展都不太好喔

另我個人建議家長應盡量同小朋友一齊睇片, 一邊加以教導, 才會有真正的效用也可以增進親子關係喔!  請不要用想打發小朋友既心態來讓小朋友接觸電子產品!

分享完畢, 希望對大家有幫助啦!

---